Русская Православная Церковь. Подворье Патриарха Московского и всея Руси
Домовый храм мученицы Татианы МГУ им. М. В. Ломоносова
Расписание служб  |  Храм сегодня  |  Святыни и убранство  |  Духовенство  |  Детям
 
Свет Христов просвещает всех
Жизнь прихода
Публикации
Фотоленты
Видеосюжеты
Аудио
Новости
Объявления
Святые покровители
Мц. Татиана
Свт. Филарет
Святые МГУ
Социальное служение
Помощь бездомным
Помощь престарелым
При храме
Издательство
Певческая школа
Миссионерство
Консультации юристов
Прием психотерапевта
Воскресная школа
Ассоциация домовых храмов
История храма
Общая хронология
Храм до 1919 года
История закрытия храма
Восстановление храма
Книжная лавка
Новинки
Каталог
Церковная лавка
Каталог
Новинки

 

Частная охрана в России: безопасность или угроза?

В Карелии наградили восьмилетнего поисковика

Кузбассовец десять дней блуждал по тайге

В Астрахани появилось кино для слепых



Яндекс цитирования

Rambler's Top100

Рейтинг@Mail.ru

ВЕЛИКАЯ ПЯТНИЦА. Вечерня. Изнесение Плащаницы

18 апреля 2014
Вечерня Великой Пятницы, снова воспоминающая в первой своей части все события Страстей, во второй части особенно выделяет воспоминание Снятия со Креста и Погребение Спасителя.


Евангелие составное 

(Мф. 27: 1-38, Лк. 23: 39-43, Мф. 27: 39-54, Ин. 19: 31-37, Мф. 27: 55-61)


Читает диакон Александр Растворов

Во время оно, совет сотвориша вси архиерее и старцы людстии на Иисуса, яко убити Его. И связавше Его ведоша, и предаша Его Понтийскому Пилату игемону. Тогда видев Иуда предавый Иисуса, яко осудиша Его, раскаявся возврати тридесять сребреники архиереем и старцем, глаголя: согреших, предав кровь неповинную. Они же реша: что есть нам? Ты узриши. И поверг сребреники в церкви, отыде, и шед удавися. Архиерее же приемше сребреники, реша: недостойно есть вложити их в корвану, понеже цена крове есть. Совет же сотворше, купиша ими село скудельниче, в погребание странным. Темже наречеся село то, село крове, до сего дне. Тогда сбыстся реченное Иеремием пророком, глаголющим: и прияша тридесять сребреник, цену Цененнаго, Егоже цениша от сынов Израилев. И даша я на селе скудельничи, якоже сказа мне Господь. Иисус же ста пред игемоном. И вопроси Его игемон, глаголя: Ты ли еси Царь Иудейский? Иисус же рече ему: ты глаголеши. И егда Нань глаголаху архиерее и старцы, ничесоже отвещаваше. Тогда глагола Ему Пилат: не слышиши ли, колико на Тя свидетельствуют? И не отвеща ему ни к единому глаголу, яко дивитися игемону зело. На всяк же праздник обычай бе игемону отпущати единаго народу связня, егоже хотяху. Имяху же тогда связана нарочита, глаголемаго Варавву. Собранным же им, рече им Пилат: кого хощете от обою отпущу вам; Варавву ли, или Иисуса глаголемаго Христа? Ведяше бо, яко зависти ради предаша Его. Седящу же ему на судищи, посла к нему жена его, глаголющи: ничтоже тебе, и Праведнику Тому, много бо пострадах днесь во сне Его ради. Архиерее же и старцы наустиша народы, да испросят Варавву, Иисуса же погубят. Отвещав же игемон рече им: кого хощете от обою отпущу вам? Они же реша: Варавву. Глагола им Пилат: что убо сотворю Иисусу, глаголемому Христу? Глаголаша ему вси: да распят будет. Игемон же рече: кое убо зло сотвори? Они же излихавопияху, глаголюще: да пропят будет. Видев же Пилат, яко ничтоже успевает, но паче молва бывает, приемь воду, умы руце пред народом, глаголя: неповинен есмь от крове Праведнаго Сего, вы узрите. И отвещавше вси людие, реша: кровь Его на нас, и на чадех наших. Тогда отпусти им Варавву: Иисуса же бив, предаде им, да Его пропнут. Тогда воини игемоновы, приемше Иисуса на судище, собраша Нань все множество воин. И совлекше Его, одеяша Его хламидою червленою. И сплетше венец от терния, возложиша на главу Его, и трость в десницу Его. И поклоньшеся на колену пред Ним, ругахуся Ему, глаголюще: радуйся, Царю Иудейский. И плюнувше Нань, прияша трость, и бияху по главе Его. И егда поругашася Ему, совлекоша с Него багряницу, и облекоша Его в ризы Его, и ведоша Его на пропятие. Исходяще же обретоша человека Киринейска, именем Симона: и сему задеша понести крест Его. И пришедше на место нарицаемое Голгофа, еже есть Краниево место, даша Ему пити оцет с желчию смешен, и вкушь не хотяше пити. Распеншии же Его разделиша ризы Его, вергше жребия. И седяще стрежаху Его ту. И возложиша верху главы Его вину Его написану: Сей есть Иисус, Царь Иудейский. Тогда распяша с Ним два разбойника: единаго одесную, и единаго ошуюю.

Един же от обешеною злодею хуляше Его, глаголя: аще Ты еси Христос, спаси Себе и наю. Отвещав же другий, прещаше ему, глаголя: ни ли ты боишися Бога, яко в томже осужден еси? И мы убо в правду: достойная бо по делом наю восприемлева: Сей же ни единаго зла сотвори. И глаголаше Иисусови: помяни мя, Господи, егда приидеши во Царствии Си. И рече ему Иисус: аминь глаголю тебе, днесь со Мною будеши в раи.

Мимоходящии же хуляху Его, покивающе главами своими, и глаголюще: разоряяй церковь и треми деньми созидаяй, спасися Сам: аще Сын еси Божий, сниди со креста. Такожде же и архиерее ругающеся с книжники, и старцы, и фарисеи, глаголаху: иныя спасе, Себе ли не может спасти? Аще Царь Израилев есть, да снидет ныне со креста, и веруем в Него. Упова на Бога: да избавит ныне Его, аще хощет Ему: рече бо, яко Божий есмь Сын.

Тожде же и разбойника распятая с Ним поношаста Ему. От шестаго же часа тьма бысть по всей земли, до часа девятаго. О девятем же часе возопи Иисус гласом велиим, глаголя: Или, Или, лима савахфани? Еже есть, Боже Мой, Боже Мой, вскую Мя еси оставил? Нецыи же от ту стоящих слышавше, глаголаху, яко Илию глашает Сей. И абие тек един от них, и прием губу, исполнив же оцта, и вонзе на трость, напаяше Его. Прочии же глаголаху: остави, да видим, аще приидет Илиа спасти Его. Иисус же, паки возопив гласом велиим, испусти дух. И се, завеса церковная раздрася на двое, с вышняго края до нижняго; и земля потрясеся, и камение распадеся. И гроби отверзошася, и многа телеса усопших святых восташа. И изшедше из гроб по воскресении Его, внидоша во святый град, и явишася мнозем. Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей

Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их, и возмут. Приидоша же воини, и первому убо пребиша голени, и другому распятому с Ним. На Иисуса же пришедше, яко видеша Его уже умерша, не пребиша Ему голений. Но един от воин копием ребра Ему прободе, и абие изыде кровь и вода. И видевый свидетельствова, и истинно есть свидетельство его, и той весть, яко истину глаголет, да вы веру имете. Быша бо сия, да сбудется Писание: кость не сокрушится от Него. И паки другое Писание глаголет: воззрят Нань, Егоже прободоша.

Бяху же ту и жены многи издалече зряще, яже идоша по Иисусе от Галилеи, служаще Ему. В нихже бе Мария Магдалина и Мария Иаковля, и Иосии мати, и мати сыну Зеведеову. Позде же бывшу, прииде человек богат от Аримафеа, именем Иосиф, иже и той учися у Иисуса. Сей приступль к Пилату, проси телесе Иисусова. Тогда Пилат повеле дати тело. И приемь тело Иосиф, обвит е плащаницею чистою, и положи е в новем своем гробе, иже изсече в камени. И возвалив камень велий над двери гроба, отиде. Бе же ту Мария Магдалина, и другая Мария, седяще прямо гроба.




Стихиры в исполнении хора храма святой мученицы Татианы при МГУ

Егда от древа Тя мертва, / Аримафей снят всех Живота, / смирною и плащаницею Тя, Христе, обвив, / и любовию подвизашеся, / сердцем и устнами / Тело нетленное Твое облобызати. / Обаче одержимь страхом, / радуяся, вопияше Ти: / слава снизхождению Твоему, Человеколюбче.

Егда во гробе нове / за всех положился еси, Избавителю всех, / ад всесмехливый, видев Тя, ужасеся, / вереи сокрушишася, сломишася врата, / гроби отверзошася, / мертвии восташа, / тогда Адам, благодарственно радуяся, / вопияше Тебе: / слава снизхождению Твоему, Человеколюбче.

Тебе одеющагося светом, яко ризою, / снем Иосиф с древа с Никодимом / и, видев мертва нага непогребена, / благосердный плач восприим, / рыдая, глаголаше: / увы мне, Сладчайший Иисусе! / Егоже вмале солнце на Кресте висима узревшее / мраком облагашеся, / и земля страхом колебашеся, / и раздирашеся церковная завеса, / но се ныне вижу Тя, / мене ради волею подъемша смерть. / Како погребу Тя, Боже мой, / или какою плащаницею обвию? / Коима ли рукама прикоснуся нетленному Твоему Телу? / Или кия песни воспою Твоему исходу, Щедре? / Величаю Страсти Твоя, / песнословлю и погребение Твое со Воскресением, зовый: / Господи, слава Тебе.


Проповедь настоятеля
 

Проповедь настоятеля храма протоиерея Владимира Вигилянского

 


 

  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
  • Фотоальбом «ВЕЛИКАЯ ПЯТНИЦА. Вечерня. Изнесение Плащаницы»
Редакция  |  Подписка  |  Адрес и контакты  |  Баннеры  |  Благодарности  |  Ваша помощь

 

Подворье Патриарха Московского и всея Руси
Домовый храм мученицы Татианы
Московского государственного университета им. М. В. Ломоносова
Адрес: 103009 Москва, ул. Большая Никитская, д. 1, тел. (495) 629-46-12
Написать в редакцию